माप ओलांडलंस अन आपलंसं केलंस हे घर

घराचा तोल सांभाळताना तुला पडलाय स्व चा विसर

माजघरातल्या काळोखात घेऊन डोक्यावर पदर

थोरामोठ्यांचा सदैव  करत आलीयेस आदर

सगळं विसरुन स्वतःला सावर ...सखे

तुझ्यातल्या प्रतिभेची नाहीये गं कोणाला कदर

अजून वेळ आहे कर जरा स्वतःचा विचार

तुझ्यातल्या 'ती'चा होऊन जाऊ दे जागर

आता मात्र लढायचंय तुला आर या पार

काही गोष्टींना द्यायला शिक ठाम नकार

उजळायचाय तुला युगानुयुगांचा अंधार

पार करुन उंबरा उडायचंय क्षितीजापार

अगं तुच आहेस तुझ्या जीवनाची शिल्पकार

कर आता तरी याचा स्विकार सखे

कर आता तरी याचा स्विकार 

@ अंजली जोगळेकर .