माझा,कविता लिहायचा प्रयत्न ;)
उंबरठा
चौकटीतलं जग आहे उबदार ,सुरक्षीत
बाहेर आहे म्हणे समाज विचलीत
म्हणून काय झालं
डोळ्यावरची झापड मला हटवायची आहे
एकदा का होईना हा उंबरठा ओलांडायचा आहे
ऐकलंय पलीकडे आहे अथांग आकाश
त्याची निळाई अनुभवायला हवाय मला अवकाश
म्हणून तर म्हंटलं
खांद्यावरचं जोखड मला भिरकवायचं आहे
एकदा का होईना ह्या कुंपणापलीकडे जायचं आहे
ओलांडलंच कधी तर 'ते' काय म्हणतील
म्हणतील फारतर बाहेर जाउन फसशील
म्हणून तर म्हंटलं
हा फसवा समज एकदा दूर सारायचा आहे
एकदा का होईना हा उंबरठा ओलांडायचा आहे
माझ्यातल्या मी ला शोधायचंय आहे
माझ्याच बंधनातून मला मोकळं करायचं आहे
म्हणून तर म्हटलं
स्वतःतला हा पुल पार करायचा आहे
एकदा का होईना हा उंबरठा ओलांडायचा आहे.
धडपडणार ,झगडणार पण ठेवणार ताठ मान
करायला लावणार त्यांना माझ्या स्त्रीत्वाचा सन्मान
म्हणून तर म्हंटलं
सन्मानाचा हा वसा पुढे पुढे न्यायचा आहे
एकदा का होईना हा उंबरठा ओलांडायचाआहे
© सौ. अंजली जोगळेकर.
4/12/2019
कोणत्याही टिप्पण्या नाहीत:
टिप्पणी पोस्ट करा