आठवतंय मला तुझं गोंडस रुप
छान गुटगुटीत बाळसं होतं खूप
लुटुलुटु चालताना पडायचीस धप्प
भांडताना करायचीस सर्वांना गप्प
शाळेतल्या धीटाईला कसलंच नाही माप
डान्स करताना असायचीस सर्वांचा बाप
बघता बघता ओलांडलंस उंबर्यावरचं माप
माझीच पडछाया बनून गेलीस आपोआप
तुझी माया पाहून काळीज होतं सुप
कुशलशी होउन गेलीयेस छान एकरुप
पैलतिराच्या वाटेवर चालतोय झापझाप
तुम्हीच व्हायचंय आता आमचे आईबाप
भरभरुन सुख मिळो देवासमोर करते जाप
आईबाबांचे आशिर्वाद तुला कायम अमाप
@ अंजली जोगळेकर
Happy birthday to u Mittu💐🌹🎂🌈
कोणत्याही टिप्पण्या नाहीत:
टिप्पणी पोस्ट करा